ამის შესახებ ევროპარლამენტის პრეზიდენტმა, რობერტა მეცოლამ ისაუბრა.

რატომ არის მნიშვნელოვანი: სახაროვის პრემია, რომელსაც ეს სახელი საბჭოთა მეცნიერისა და დისიდენტის, ანდრეი სახაროვის, ხსოვნის პატივსაცემად ჰქვია, ენიჭებათ ადამიანის უფლებადამცველ აქტივისტებსა და დისიდენტებს მთელი მსოფლიოს მასშტაბით.

  • სხვადასხვა დროს პრემიის ლაურეატები იყვნენ: ნელსონ მანდელა, კოფი ანანი და სხვა.
  • ასევე, პრემია მიღებული აქვთ რუს და ბელარუს ოპოზიციონერებსა და აქტივისტებს.
  • ომის დაწყები შემდეგ უკრაინელმა ხალხმა აქამდე არნახული ერთიანობა და გამძლეობა აჩვენა და დამოუკიდებლობის, სუვერენიტეტის დასაცავად უთანასწორო ბრძოლაში ყველა დაბრკოლებას გაუძლო.

დეტალები: მეცოლამ განაცხადა, რომ სახაროვის პრემიის წლევანდელი ლაურეატები უკრაინის მამაცი ხალხია — მათი პრეზიდენტი, არჩეული ლიდერები და სამოქალაქო საზოგადოება.

  • "ისინი იცავენ იმას, რისიც სჯერათ. იბრძვიან ჩვენი ღირებულებებისთვის, დემოკრატიის, თავისუფლებისა და კანონის უზენაესობის დასაცავად. რისკავენ საკუთარ სიცოცხლეს ჩვენთვის", — წერს მეცოლა ფეისბუქზე და უკრაინის პრეზიდენტთან ერთად გადაღებულ ფოტოს აქვეყნებს.
  • "ევროპარლამენტის სახელით მინდა მივუძღვნა ეს ჯილდო იმ უკრაინელებს, რომლებიც ადგილზე იბრძვიან. მათ, ვინც იძულებული გახდა წასულიყო. მათ, ვინც დაკარგა ნათესავები და მეგობრები. ყველას, ვინც დგას და იბრძვის იმისთვის, რისიც სწამს. ამ პრიზს უფრო მეტად არავინ იმსახურებს".