ინფორმაციას რუსეთის სამთავრობო მედია ავრცელებს.

რატომ არის მნიშვნელოვანი: ყირიმის ხიდზე აფეთქება დღეს გამთენიისას მოხდა. გაჩნდა ხანძარიც და ხიდის ნაწილი ჩამოინგრა.

  • ხიდი ოკუპირებულ ყირიმს რუსეთის სატრანსპორტო ქსელთან აკავშირებს. ის 2018 წელს, ანექსიის გამოცხადებიდან 4 წლის შემდეგ გაიხსნა.

დეტალები: რუსეთის პრეზიდენტმა ვლადიმერ პუტინმა ბრძანება გასცა, შეიქმნას სამთავრობო კომისია საგანგებო სიტუაციის მიზეზების დადგენისა და შედეგების აღმოსაფხვრელად.

  • სამთავრობო კომისიაში იქნებიან კრასნოდარისა და ოკუპირებული ყირიმის ე.წ. ხელმძღვანელებიც.

აფეთქების ოფიციალური მიზეზი დადასტურებული არ არის. როგორც BBC-ს რუსული ბიურო ექსპერტებზე დაყრდნობით წერს, ამ მასშტაბის დაზიანებას დიდი რაოდენობით ასაფეთქებელი საშუალება დასჭირდებოდა.

  • რუსეთის უშიშროების ძალების ვერსიით ხიდზე სატვირთო მანქანა ააფეთქეს, რამაც ასეთი ნგრევა გამოიწვია
  • როგორც Meduza წერს, საგამოძიებო კომიტეტმა საქმე გახსნა ყირიმის ხიდზე მომხდარი "ინციდენტის" გამო, მაგრამ არ დაუკონკრეტებია, რომელი მუხლით

უკრაინის პრეზიდენტის ადმინისტრაციის უფროსის მრჩეველი მიხეილო პოდოლიაკი წერს, რომ ყირიმის ხიდი დასაწყისია.

  • "ყველაფერი უკანონო უნდა განადგურდეს, მოპარული უნდა დაუბრუნდეს უკრაინას, ყველაფერი, რაც რუსეთის მიერ არის ოკუპირებული, უნდა გათავისუფლდეს";
  • "რუსული ფლოტის ფლაგმანის, მოსკოვი და ქერჩის ხიდი — უკრაინის კუთვნილ ყირიმში რუსეთის ძალის ორი ცნობილი სიმბოლო უკვე დაეცა. რა არის შემდეგი", — დაწერა უკრაინის თავდაცვის სამინისტრომ.
  • ეროვნული უსაფრთხოებისა და თავდაცვის საბჭოს მდივანი, ოლექსი დანილოვი ყირიმის ხიდზე აფეთქების ვიდეოსთან ერთად მერლინ მონროს შესრულებით სიმღერასაც აქვეყნებს: Happy Birthday, Mr. President.