თბილისის შემოვლითი გზის 55-კილომეტრიანი მონაკვეთისა, ასევე ნატახტარი-ჟინვალის 28-კილომეტრიანი მონაკვეთის პროექტირება იწყება და ეს, ამავდროულად, იქნება მლეთა-კობის მონაკვეთისკენ მიმავალი ჩქაროსნული გზის დასაწყისი. ამის შესახებ გიორგი კვირიკაშვილმა დღეს, 25 მაისის მთავრობის სხდომაზე განაცხადა.

მთავრობის ადმინისტრაციის ცნობით, ალტერნატიული ჩქაროსნული მაგისტრალის მიზანი ქალაქის განტვირთვაა. უწყების განცხადებით, გზის პროექტირება 15 თვეში დასრულდება, რის შემდეგაც მშენებლობა დაიწყება.