ელიზაბეთ ოლსენმა ახლახან მიცემულ ინტერვიუში Marvel-ის ფილმებისა და სცენების გადაღების შესახებ ისაუბრა. WandaVision-ის მსახიობმა განაცხადა, რომ Marvel-ის ფილმები "უბრალოდ სულელურია".

"ეს ყველაფერი უბრალოდ სულელურია. ყოველთვის მსურდა, რომ ერთ დღესაც ფილმი ყოველგვარი ვიზუალური ეფექტის გარეშე გამოეშვათ. მაშინ მიხვდებოდით, რა სასაცილოა ეს ყველაფერი და როგორი შთამბეჭდავია ის შრომა, რომელიც ფილმის დამუშავებისთვისაა საჭირო", — ამბობს ოლსენი.

ოლსენის თქმით, ვიზუალური ეფექტების გარეშე ბევრი დრამატული სცენა გადასაღებად "უხერხულიც" კი არის. ამის მაგალითად მსახიობმა Avengers: Infinity War-ში ვიჟენის სიკვდილის სცენა გაიხსენა.

ფოტო: Marvel

"ძალიან უხერხულია ასეთი რამეების გადაღება, რადგან თითქოს სამყარო იმაზეა დამოკიდებული, გააკეთებ რაღაცას თუ ვერა. მახსოვს, მთელი დღის განმავლობაში ვიღიმოდი, როცა თანოსის როლის შემსრულებელს თავზე დიდი ჩაფხუტი ეხურა. უბრალოდ ეს ფილმები ძალიან სულელურია და ბევრი რამ უნდა გააკეთო, რომ ყველაფერი გამოვიდეს", — დასძინა ოლსენმა.

ინტერვიუში მსახიობმა იმ ფაქტსაც გაუსვა ხაზი, რომ Marvel-ის კონტრაქტის გამო, სხვა ფილმები მონაწილეობა ვეღარ შეძლო. ოლსენის თქმით, Marvel-თან თანამშრომლობა მისთვის სტაბილურ როლს ნიშნავდა, მაგრამ ბევრ შემოთავაზებაზე უარის თქმა მოუწია, რომელიც მისთვის საინტერესო იყო.