მალე მაყურებელი ამერიკელი რეჟისორის, გრეტა გერვიგის მიერ გადაღებულ Barbie-ს იხილავს. Barbie-ში მთავარ როლს მარგო რობი ასრულებს და ცოტა ხნის წინ ფილმის გადასაღები მოედნიდან ფოტოებიც გავრცელდა.

მარგო რობისა და რაიან გოსლინგის ფოტოებზე ინტერნეტმა იხალისა და უამრავი მიმიც შეიქმნა. ახლახან მიცემული ინტერვიუდან კი ვიგებთ, რომ მარგო რობისთვის ეს ყველაფერი სახალისო სულაც არ ყოფილა.

ფოტო: Getty Images

"ვერც კი აღგიწერთ, რა ცუდად ვგრძნობდი თავს. თავი ისე გვეჭირა, თითქოს ვიცინოდით და ვერთობოდით, მაგრამ შინაგანად ცუდად ვიყავით. ეს ყველაზე დამამცირებელი მომენტი იყო ჩემს ცხოვრებაში. ვიცოდი, რომ გადაღების პროცესში რამდენიმე ადამიანი ჩვენს ჩაცმულობაზე ყურადღებას გაამახვილებდა და ალბათ, ფოტოებსაც გადაიღებდნენ, მაგრამ ასეთ გამოხმაურებას ნამდვილად არ ველოდით", — განაცხადა მარგო რობიმ.

შეგახსენებთ, რომ კენის როლში რაიან გოსლინგის ფოტოზე ინტერნეტი შეიშალა და უამრავი მიმიც მიუძღვნა. თუმცა მაყურებელი მარგო რობის ფოტოებსაც დიდი ინტერესით ელოდა და გადასაღები მოედნიდან გავრცელებულმა კადრებმა მართლაც მთელი ინტერნეტი აალაპარაკა. Barbie-ს პრემიერა 2023 წლის 21 ივლისს იგეგმება.

ასევე იხილეთ: