მარიუპოლის მცველები ტყვეობამდე და შემდეგ

უკრაინამ გუშინ, 21 სექტემბერს 215 ტყვე დაიბრუნა, მათ შორის 108 აზოვის პოლკის მებრძოლია. 200 ადამიანი პრორუს დეპუტატ ვიქტორ მედვედჩუკში გაცვალეს, ხოლო აზოვსტალის 5 გმირი მეთაური — 55 სამხედრო ტყვეში.

გუშინდელი საღამო განსაკუთრებით ემოციური იყო უკრაინელი ხალხისთვის, გათავისუფლებული მარიუპოლის მცველები შეუპოვრობის და სიმამაცის სიმბოლო არიან. ქვეყანაში კარგად ახსოვთ როგორ ეწინააღმდეგებოდნენ იზოლაციაში მყოფი მებრძოლები მტერს, სანამ პრეზიდენტისგან სიცოცხლის გადარჩენის ბრძანება არ მიიღეს.

განსაკუთრებული ემოციებით შეხვდნენ აზოვსტალში მყოფი 5 მეთაურის, დენის პროკოპენკოს, სერჰი ვოლინსკის, სვიატოსლავ პალამარის, დენის შლეგასა და ოლეგ ხომენკოს გათავისუფლებას, მათი სიცოცხლე რუსეთის ტყვეობაში საფრთხის ქვეშ იყო. ახლა ისინი თურქეთის პრეზიდენტის პირადი დაცვის ქვეშ იქნებიან და ომის დასრულებამდე იქ დარჩებიან.

შეგახსენებთ, რომ აზოვსტალის მებრძოლები რუსეთმა ტყვედ 17 მაისს აიყვანა. გუშინ გავრცელებულ კადრებში ჩანს, როგორ შეცვალა ისინი ოკუპანტების პატიმრობაში გატარებულმა ოთხმა თვემ და რა ემოციებით დაბრუნდნენ სამშობლოში. გთავაზობთ ფოტოკოლაჟს — ტყვეობამდე და ტყვეობის შემდეგ.