ჩასაფრებული პაპარაცებით დაღლილმა ბლეიკ ლაივლიმ ორსულობის ფოტოები თავად გააზიარა

მას შემდეგ, რაც ცნობილი გახდა, რომ ბლეიკ ლაივლი და რაიან რეინოლდსი მე-4 შვილს ელოდებიან, პაპარაცები მსახიობების სახლს არ შორდებიან. ამის მიზეზი კი ის არის, რომ ორსული ბლეიკ ლაივლი პირველად წითელ ხალიჩაზე გამოჩნდა და მანამდე სოციალურ ქსელებში ფოტოები არ გამოუქვეყნებია.

გასულ შაბათს კი ბლეიკ ლაივლიმ ორსულობის ფოტოები ინსტაგრამზე ასეთი აღწერით გამოაქვეყნა: "აი, ასე გამოვიყურები ორსული რეალურ ცხოვრებაში. ასე რომ, ის 11 პაპარაცი, რომელიც სახლთან მელოდება, იმედია, თავს დამანებებს". ბლეიკ ლაივლიმ თავის გულშემატკივრებს კეთილი სურვილებისთვის მადლობაც გადაუხადა, ხოლო მისმა ფოტოებმა დიდი მოწონება დაიმსახურა. ამ ფოტოებიდან საუკეთესოებს კი სტატიაში გთავაზობთ.