თამარ ზაალიშვილი ტელეკომპანიას 2021 წლის ივლისში გასულ სიუჟეტთან დაკავშირებით უჩივის.

რატომ არის მნიშვნელოვანი: TV პირველის სიუჟეტში აღნიშნულია, რომ თეატრალური უნივერსიტეტი ყალბ დიპლომებს გასცემდა და ამასთან, შესაძლოა, კავშირი მმართველი პარტიის ლიდერის დედას ჰქონოდა.

თამარ ზაალიშვილი სიუჟეტში ნათქვამს ცილისმწამებლურსა და ცრუ ინფორმაციის შემცველ განცხადებებს უწოდებს და აცხადებს, რომ არ უნდა დარჩეს რეაგირების გარეშე.

  • მისივე თქმით, ფიქრობს, სასამართლო ობიექტურ და სამართლიან გადაწყვეტილებას მიიღებს.

TV პირველის ადვოკატის თქმით, ობიექტურად სარჩელის დაკმაყოფილების არანაირი სამართლებრივი შესაძლებლობა არ არის.

  • მისივე თქმით, იმედოვნებენ სასამართლო იხელმძღვანელებს არსებული კანონმდებლობით, სასამართლო პრაქტიკით, ევროსასამართლოს მიერ დადგენილი სტანდარტით და შეძლებს, რომ დარჩეს კანონის ფარგლებში, მიიღოს კანონიდან გამომდინარე სამართლიანი გადაწყვეტილება.