დამწყები როკ ჯგუფი Vinyl Ambush ერთ-ერთი მეგობრის სახლში, კანადაში, პილის რეგიონის ერთ-ერთ პატარა ქალაქში, დახურულ კონცერტს ატარებდა, რა დროსაც ერთ-ერთმა შეწუხებულმა მეზობელმა პოლიცია გამოიძახა.

პოლიციელი კონცერტზე მივიდა და ჯგუფს შეუერთდა, დრამს მიუჯდა და მათთან ერთად ერთი სიმღერაც დაუკრა.

წასვლამდე მან ახალგაზრდა მუსიკოსებს თავისი გამოცდილება გაუზიარა:

"მეც ვუკრავდი ჯგუფში, ტურნეებშიც დავდიოდით, ძალიან ძნელი საქმეა. არ გქონდეთ მოლოდინი, რომ ფულს გააკეთებთ. ცოტა ხანი უფასოდ დაუკარით, ხალხს თავი გააცანით და მერე წამოაყენეთ პირობები. ცოტა ხანი უნდა აიტანოთ, რომ ფული საერთოდ არ გექნებათ. ცხოვრებაში ყველაზე მეტად რასაც ვნანობ, ისაა რომ გავჩერდი და ჯგუფში აღარ ვუკრავ. ყველაზე ხალისიანი ცხოვრება მაშინ მქონდა. ჰოდა, თქვენც არ გაჩერდეთ და არ დანებდეთ.