ელიავას ბაზრობის მიმდებარე ტერიტორიაზე, აგლაძის ქუჩაზე, კერძოდ, შოკოლადის ყოფილი ქარხანის მეორე სართულს ცეცხლი გაუჩნდა. საგანგებო სიტუაციების სამსახურში On.ge-ის განუცხადეს, რომ დაახლოებით 100-150მ2 ფართობზე გაჩნდა ხანძარი. უწყების ცნობით, ამ დროისთვის ცეცხლი ლოკალიზებულია, შემთხვევის შედეგად კი არავინ დაშავებულა.

ბაზრობის მიმდებარე ტერიტორიაზე რვა სახანძრო მანქანა მუშაობდა.