თუ სოციალურ ქსელებს ბოლო პერიოდში თვალს ადევნებ, შენიშნავდი, რომ ყველა სიმინდის შესახებ საუბრობს და ამ თემის ირგვლივ უამრავი მიმიც ქვეყნდება. თუ დაბნეული ხარ და ამის მიზეზი არ იცი, ყველაფერი ვირუსულად გავრცელებულ ვიდეოს უკავშირდება, რომელშიც პატარა ბიჭი ხნის, თუ რატომ უყვარს სიმინდი.

ვიდეოში პატარა ბიჭი, რომელიც ქუჩაში შემთხვევით შეარჩიეს, სიმინდს ჭამს და მის შესახებ საუბრობს. "სიმინდი ძალიან მომწონს. როცა სიმინდის არსებობის შესახებ გავიგე და პირველად გავსინჯე, ძალიან მომეწონა. შემდეგ კი სიმინდი კარაქთან ერთად ვჭამე და ყველაფერი შეიცვალა", — ამბობს პატარა ბიჭი.

პატარა ბიჭის ვიდეო, რომელსაც სიმინდი თავდავიწყებით უყვარს, 58,5 მილიონმა ადამიანმა უკვე ნახა, ხოლო 8,1 მილიონმა მოიწონა. გარდა ამისა, ვიდეო უამრავი მიმის შთაგონების წყაროდ იქცა. ტიკოტიკის ერთ-ერთმა მომხმარებელმა ბიჭის სიტყვებს მუსიკაც შეუსაბამა და მთელი ინტერვიუ სიმღერად აქცია, რაც ინტერნეტს ასევე ძალიან მოეწონა.

@schmoyoho intro song for any meal/snack with corn 🌽 - from iconic interview on @doingthings ♬ It's Corn - Tariq & The Gregory Brothers & Recess Therapy


"ეს ხომ სიმინდია! არ არის აუცილებელი, რომ ყველას მოსწონდეს, თუმცა უნდა გასინჯონ", — ასე აღწერს სიმინდს პატარა ბიჭი და შემდეგ ჟურნალისტ სიმინდის გასინჯვას სთავაზობს. ფრაზამ "ეს ხომ სიმინდია" ბიჭი ინტერნეტის ვარსკვლავად აქცია, მოგვიანებით კი ბევრ სხვა ინტერვიუსა და სახალისო ვიდეოში მიიღო მონაწილეობა.