ინფორმაცია გაეროში საქართველოს ყოფილმა წარმომადგენელმა, კახა იმნაძემ გააცრცელა. როგორც ის ტვიტერზე წერს, თავად საქმიანობას კანადაში გააგრძელებს.

რატომ არის მნიშვნელოვანი: დავით ბაქრაძე 2016 წელს ამერიკის შეერთებულ შტატებში საქართველოს ელჩად დაინიშნა, 2022 წლის აპრილში კი ის საგარეო საქმეთა ყოფილმა მინისტრმა, დავით ზალკალიანმა შეცვალა.

  • ივლისში პრეზიდენტმა განაცხადა, რომ ელჩების დანიშვნაზე წარდგენილი 37 განცხადებიდან 36-ს მოაწერა ხელი — გარდა გაეროში დავით ბაქრაძის დანიშვნისა.
  • სალომე ზურაბიშვილმა უარყოფითად შეაფასა აშშ-ში ბაქრაძის საქმიანობა და თქვა, რომ ის 5 წელი იყო შტატებში, ქვეყნების ურთიერთობისთვის კი არაფერი გაუკეთებია.
  • ელჩების დანიშვნის საკითხზე მთავრობამ პრეზიდენტისა და მთავრობის უფლებამოსილების საკითხზე საკონსტიტუციო სასამართლოს მიმართა.

დეტალები: რუსთავი 2-მა და საზოგადოებრივმა მაუწყებელმა განაცხადეს, რომ პრეზიდენტმა ელჩის დანიშვნას ხელი მოაწერა.

  • On.ge დაუკავშირდა საგარეო საქმეთა სამინისტროს — მათ პასუხს ველოდებით.
  • ქართული ოცნების აღმასრულებელმა მდივანმა, მამუკა მდინარაძემ თქვა, რომ კომპეტენციის ფარგლებში პრეზიდენტმა უნდა მოაწეროს ხელი მთავრობის მიერ წარდგენილ კანდიდატურას და ასეც მოიქცა.

პრეზიდენტის ადმინისტრაცია აცხადებს, რომ პრეზიდენტის მიერ დავით ბაქრაძის ამერიკის შეერთებულ შტატებში გაწეული საქმიანობის უარყოფითი შეფასება კვლავ ძალაშია.

  • მათივე განცხადებით, ბაქრაძის დანიშვნა გაეროში მუდმივ წარმომადგენლად მაშინ, როდესაც მიმდინარეობს ომი მეზობელ და მეგობარ ქვეყანაში,პრეზიდენტს არ მიაჩნია მიზანშეწონილად.