The Washington Post ინფორმაციას აშშ-ის ოფიციალურ პირებზე დაყრდნობით ავრცელებს.

რატომ არის მნიშვნელოვანი: გამოცემის განცხადებით, ეს ნაბიჯი კიდევ უფრო უსვამს ხაზს, რომ თეირანსა და მოსკოვს შორის ურთიერთობა ღრმავდება.

  • ამასთან, აჩვენებს, რომ რუსეთს მისი ჯარის იარაღით მომარაგება უჭირს.

დეტალები: აშშ-ისა და სხვა სადაზვერვო სამსახურების მიერ შეგროვებული ინფორმაციების თანახმად, ირანიდან ტვირთი 19 აგვისტოს გაემგზავრა.

  • ის მოიცავს, სულ მცირე, ორი ტიპის უპილოტო საფრენ აპარატს, რომლებსაც შეუძლიათ იერიშის მიტანა არტილერიასა და სხვა სამხედრო სამიზნეებზე;
  • მედიის ცნობით, მართალია, დრონები უკრაინის წინააღმდეგ ომში რუსეთის მცდელობებს დაეხმარება, თუმცა ტრანსპორტირებისას უკვე დაფიქსირდა ტექნიკური პრობლემები.

რა ვიცით დრონებზე: ბაიდენის ადმინისტრაციის წარმომადგენლების თქმით, Mohajer-6-სა და Shahed-ის რუსეთისთვის გადაცემა ირანის მიერ დაგეგმილი მიწოდების მხოლოდ პირველი ნაწილი იქნება.

  • გამოცემა აშშ-ის ოფიციალურ პირებზე დაყრდნობით წერს იმასაც, რომ სატესტო დრონებმა წარუმატებლობები განიცადა, ამიტომ "რუსები არ არიან კმაყოფილი".
  • "სისტემაში რამდენიმე ხარვეზია";

CNN კი წყაროებზე დაყრდნობით წერს, რომ რუსეთს უკვე აქვს ირანის მიერ გაგზავნილი უპილოტო საფრენი აპარატები.