ფოთში, ნაბდას უბანში, გვიან ღამით ავტოსაგზაო მოძრაობის შეფერხება სატვირთოდან გადმოვარდნილმა პალმის ხემ გამოიწვია, რომელიც ბიძინა ივანიშვილის აგარაკზე დასარგავად გადაჰქონდათ. ინფორმაციას რუსთავი 2 ავრცელებს.

ხე, შეფუთულ მდგომარეობაში, სატვირთო ავტომანქანის მისაბმელზე იყო დამაგრებული.

რუსთავი 2-ის ცნობით, პალმის ხე ბიძინა ივანიშვილმა არგენტინაში შეიძინა და ის ფოთის პორტში შემოიტანეს, საიდანაც შეკვეთილში უნდა გადაეტანათ. პალმის ხე ამჟამად იმ გადამზიდავი კომპანიის ტერიტორიაზეა განთავსებული, რომელმაც უნდა უზრუნველყოს მისი ტრასპორტირება.