ამ კანონის მიხედვით, კოსოვოში მცხოვრებ ეთნიკურად სერბ მოსახლეობას სერბეთის სამანქანო ნომრები კოსოვოს ნომრებით უნდა შეეცვალათ.

რატომ არის მნიშვნელოვანი: 31 ივლისს კოსოვო-სერბეთის საზღვარზე სიტუაცია დაიძაბა. შეკრებილები სწორედ ამ კანონს აპროტესტებდნენ, რომელიც დღეს, პირველ აგვისტოს უნდა შესულიყო ძალაში.

დეტალები: კანონის იმპლემენტაცია ამერიკის შეერთებულ შტატებთან და ევროკავშირთან კონსულტაციის შემდეგ 1 თვით გადაიდო.

  • BBC-ის ცნობით, აშშ-ის ელჩმა კოსოვოში თქვა, რომ მან სთხოვა კოსოვოს მთავრობას კანონის ამოქმედების გადადება 30 დღით, რადგან როგორც ჩანს, ამ გადაწყვეტილებამ გაუგებრობა გამოიცვია, რასაც კოსოვო დასთანხმდა.

რა ხდებოდა კოსოვოში: ჩრდილოეთ კოსოვოში მცხოვრებმა ეთნიკურმა სერბებმა ჩახერგეს გზები სერბეთთან ორი ძირითადი სასაზღვრო გადასასვლელის მახლობლად.

  • ბლოკადას წინ კოსოვოს მთავრობის ორი გადაწყვეტილება უძღვოდა სერბული დოკუმენტებისა და სანომრე ნიშნების შესახებ.
  • კოსოვოს მთავრობამ განაცხადა, რომ სერბეთიდან შესულ მგზავრებს სერბეთის მიერ გაცემულ დოკუმენტებს შეცვლიდნენ ახალი, შესვლა-გასვლის აღმრიცხველი საიდენტიფიკაციო დოკუმენტით.
  • ჩრდილოეთ კოსოვოში ეთნიკური სერბები იყენებდნენ მანქანების სანომრე ნიშნებს, რომლებიც 1999 ომის შემდეგ სერბეთის მიერ იყო გაცემული, კოსოვომ კი მოითხოვა, რომ ეს სანომრე ნიშნები შეიცვალოს მათ მიერ გაცემული ნომრებით.