ამის შესახებ ამერიკელი კონგრესმენი, საქართველოს მეგობართა ჯგუფის თანათავმჯდომარე ადამ კინზინგერი ტვიტერზე წერს.

რატომ არის მნიშვნელოვანი: HIMARS შორ მანძილზე მოქმედი მაღალი სიზუსტის სარაკეტო სისტემაა, რომელსაც შეუძლია სამიზნეს 50 მილიდან დაარტყას.

დეტალები: კონგრესმენმა უკრაინაში მებრძოლი ქართული ლეგიონის ტვიტი გადააზიარა, სადაც ისინი ამბობენ, რომ ოკუპანტების საბრძოლო მასალის საწყობი სწორედ ამ სარაკეტო სისტემით გაანადგურეს.

  • ამაზე კინზინგერმა თქვა, რომ საქართველოს 1/3 რუსეთის მიერ არის ოკუპირებული, ქართული ლეგიონი კი უკრაინას იცავს.
  • მისი თქმით, მას შემდეგ რაც რუსეთი უკრაინაში დამცირებას იწვნევს, შესაძლოა, რუსეთმა ვერ შეძლოს მის მიერ ოკუპირებული ტერიტორიების შენარჩუნება, ამიტომ საქართველოს HIMARS-ები უნდა გადაეცეს.

არქივიდან: ეს პირველი შემთხვევა არ არის, როდესაც ამერიკელი კონგრესმენი საქართველოსთვის სამხედრო დახმარების გადაცემას ითხოვს.

  • გასული წლის ბოლოს ის ამბობდა, რომ უკრაინაზე რუსეთის საფრთხის გათვალისწინებით, საქართველოსთვის სამხედრო და ეკონომიკური დახმარება უნდა გაზრდილიყო.