ჩინეთის სახალხო რესპუბლიკაში, სამუშაო ვიზიტის ფარგლებში, მყოფი საქართველოს პირველი ვიცე-პრემიერი და ფინანსთა მინისტრი დიმიტრი ქუმსიშვილი ანჰოის პროვინციას ეწვევა და ორმხრივ შეხვედრას ჩინეთის ვიცე-პრემიერთან ვანგ იანგთან გამართავს.

ფინანსთა სამინისტროს ინფორმაციით, ქუმსიშვილი ანჰოის პროვინციის ქ. ჰეფეიში მონაწილეობას მიიღებს ექსპო ცენტრალური ჩინეთი 2017-ის ოფიციალურ გახსნაში და მოხსენებას გააკეთებს საქართველოს საინვესტიციო შესაძლებლობების შესახებ.

დიმიტრი ქუმსიშვილს შეხვდება ანჰოის პროვინციის ხელმძღვანელ პირებს, ასევე რამდენიმე მსხვილ საწარმოს მოინახულებს.

შეგახსენებთ, რომ 13 მაისს საქართველოსა და ჩინეთს შორის თავისუფალი ვაჭრობის შესახებ შეთანხმება გაფორმდა.