ინფორმაციას უკრაინის საგარეო საქმეთა მინისტრზე, დმიტრო კულებაზე დაყრდნობით უკრაინული მედია ავრცელებს.

რატომ არის მნიშვნელოვანი: უკრაინა მსოფლიოში მარცვლეულის ერთ-ერთი უდიდესი მწარმოებელია.

  • რუსეთის მიერ ომის დაწყების შემდეგ, უკრაინიდან ექსპორტი გაჩერებულია;
  • ეს სურსათის გლობალური კრიზისის საფრთხეს ქმნის, რაც უკვე ფასების უპრეცედენტო ზრდაშიც აისახება.

დეტალები: კულებას თქმით, შეთანხმებამდე ორი ნაბიჯი აშორებთ. ის აღნიშნავს, რომ უსაფრთხოების საკითხებთან დაკავშირებით რუსეთის პოზიცია უნდა მოგვარდეს.

  • "ახლა ყველაფერი რუსეთზეა დამოკიდებული. თუ მათ მართლა სურთ, მარცვლეულის ექსპორტი მალე დაიწყება";
  • "მათ სურთ აფრიკისა და აზიის ქვეყნებს აჩვენონ, რომ სურსათის დეფიციტისაგნ მათი გადარჩენა უნდათ";
  • "მაგრამ სიმართლე ისაა, რომ რუსეთს უკრაინის ექსპორტი არ აინტერესებს, იციან, რომ თუ ექსპორტს განვახორციელებთ, საერთაშორისო ბაზრიდან შემოსავალს მივიღებთ და ეს უფრო გაგვაძლიერებს".

ამჟამად, მარცვლეულის ექსპორტის განახლებაზე ოთხმხრივი მიმდინარეობს. მასში მონაწილეობას რუსეთი, უკრაინა, თურქეთი და გაერო იღებენ.

  • რამდენიმე დღის წინ ამ საკითხზე თურქეთის პრეზიდენტი, რეჯეფ თაიფ ერდოღანი ტელეფონით ესაუბრა, როგორც ვოლოდიმირ ზელენსკის, ასევე, ვლადიმერ პუტინს.