დღეს დილით უკრაინის დედაქალაქში აფეთქებების ხმა ისევ გაისმა. რუსეთის არმიამ საცხოვრებელი კორპუსი დაბომბა, რასაც მსხვერპლი მოჰყვა.

რა ვიცით ამ ეტაპზე: უკრაინული მედიის ცნობით, დაბომბილი კორპუსის ნანგრევებიდან ამოყვანილი ქალი რუსეთის ფედერაციის მოქალაქეა და მისი მდგომარეობა კრიტიკულია.

ფოტო: Unian

  • მათივე ცნობით, ქალის ქმარი დაიღუპა, შვილი კი საავადმყოფოშია გადაყვანილი.
  • კიევის მერის, ვიტალი კლიჩკოს განცხადებით, სარაკეტო თავდასხმის შემდეგ 25 მოქალაქის ევაკუაცია განხორციელდა.
  • სამძებრო-სამაშველო სამუშაოები გრძელდება.

რატომ არის მნიშვნელოვანი: რუსეთის არმია ბოლო პერიოდის განმავლობაში ძირითადად აღმოსავლეთ უკრაინაზეა კონცენტრირებული, დონბასის რეგიონზე.

  • კერძოდ, ყველაზე მძიმე ბრძოლები სევეროდონეცკსა და ლისიჩანსკში იმართებოდა, კიევის შემოგარენი კი ოკუპანტების ჯარებისგან დაცლილი იყო.