დედოფალი ელიზაბეთ II უკვე 70 წელია, დიდი ბრიტანეთის მონარქის ტიტულს ატარებს და ამის აღსანიშნავი იუბილე გასულ შაბათს გაიმართა. როგორც აღმოჩნდა, გარდა ოფიციალური პირებისა, დედოფალს საიდუმლო სტუმარიც ეწვია და ეს დათვი პადინგტონი იყო.

გავრცელებულ ვიდეოში ჩანს, რომ პადინგტონი და ელიზაბეთ II ბუკინგემის სასახლეში სხედან და მხიარულად საუბრობენ, შემდეგ კი ყველასათვის საყვარელი დათვი დედოფალს იუბილეს ულოცავს და მისი მონარქობის პერიოდში გაკეთებული ყველა კარგი საქმისთვის მადლობასაც უხდის.

პადინგტონთან ერთად გადაღებულ ვიდეოში ეს ანიმაციური პერსონაჟი და დედოფალი სასახლეში ჩაის სვამენ, გარეთ კი იუბილეს აღსანიშნავ ღონისძიებაზე უამრავი ადამიანია შეკრებილი. დედოფალს ახსენებენ, რომ ღონისძიების დაწყების დროა და ვიდეო Queen-ის ცნობილი სიმღერის — We Will Rock You-ს რიტმით სრულდება.

ეს პირველი შემთხვევა არ არის, როცა ბრიტანეთის დედოფალმა ცნობილ პერსონაჟთან ერთად ვიდეო გადაიღო. იგივე მოხდა 2012 წლის ლონდონის ოლიმპიადაზე, როცა დედოფლისა და ჯეიმს ბონდის წინასწარ ჩაწერილი ვიდეო გამოჩნდა, რომელშიც ელიზაბეთ II-თან ერთად მსახიობ დენიელ კრეიგი მონაწილეობს.