პრეზიდენტ სალომე ზურაბიშვილის განცხადებით, ერთიანობისთვის შესაძლებელია, რომ ქვეყანამ ხელახლა მიიღოს შარლ მიშელის შეთანხმების მსგავსი დოკუმენტი.

"ჩემ ხელთ არის ის, რომ შეიქმნას ქვეყანაში ერთიანობა იმ ჩვენს მთავარ მიზანზე, რაც არის ევროპული ინტეგრაცია, ამისთვის შეიძლება ხელახლა შევიკრიბოთ, შეიძლება ხელახლა მივიღოთ შარლ მიშელის მაგვარი დოკუმენტი ამ სასახლეში, როგორც ერთხელ უკვე მოვიწვიე ყველა საპარლამენტო პარტია და ხელი მოაწერეს", — ამბობს ის პალიტრანიუსის ეთერში.

28 ივლისს ქართულმა ოცნებამ განაცხადა, რომ შარლ მიშელის შეთანხმება ანულირებულია. პარტიის თავმჯდომარის, ირაკლი კობახიძის თქმით, შეთანხმებას მხოლოდ თავად ასრულებენ, რაც არასწორად მიაჩნიათ. მან ოპოზიციას დააბრალა შეთანხმების არშესრულება.