ბრიტანეთის თავდაცვის სამინისტროს დაზვერვის ცნობით, საოკუპაციო ძალებმა, სავარაუდოდ, ლიმანის დიდ ნაწილზე კონტროლი დაამყარეს. ამის შესახებ უწყება ინფორმაციას Twitter-ზე ავრცელებს და აღნიშნავს, რომ ეს, სავარაუდოდ, დონბასში შეტევის შემდეგი ეტაპისთვის სჭირდებათ.

"ლიმანი სტრატეგიულად მნიშვნელოვანია, რადგან ის არის მთავარი სარკინიგზო კვანძი და ასევე, უზრუნველყოფს მნიშვნელოვან სარკინიგზო და საგზაო ხიდების დაკავშირებას მდინარე სევერსკი დონეცის გასწვრივ", — აღნიშნულია განცხადებაში.

უწყება წერს, რომ უახლოეს დღეებში, რუსეთის ქვედანაყოფები ამ მხარეში, სავარაუდოდ, პრიორიტეტს მდინარის იძულებით გადაკვეთას მიანიჭებენ. ამ ეტაპზე კი რუსეთის ძირითადი ძალისხმევა, სავარაუდოდ, აღმოსავლეთ უკრაინის, სევეროდონეცკის გარშემო რჩება. დაზვერვის განცხადებით, მდინარის გადაკვეთა რუსეთს დონბასის შეტევის შემდეგ პოტენციურ ეტაპზე უპირატესობას მისცემს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.