უკრაინის პრეზიდენტი ვოლოდიმირ ზელენსკი აცხადებს, რომ რუსეთს დონბასში უკრაინაზე 20-ჯერ მეტი აღჭურვილობა აქვს. ამის შესახებ მან დავოსის ეკონომიკურ ფორუმზე სიტყვით გამოსვლისას ისაუბრა.

"ჩვენ გვაკლია ტექნიკა, რადგან ვებრძვით ასეთი დიდ სახელმწიფოსა და დიდ არმიას. მათ [რუსებს] 20-ჯერ მეტი აღჭურვილობა აქვთ ახლა დონბასში. 1:20-ზე, წარმოიდგინეთ რა ძლიერები არიან ჩვენი მეომრები, როგორი ხალხი გვყავს",– ამბობს ის.

ზელენსკი აღნიშნავს, რომ მას არ სურს უკრაინაში ასობით ათასი ადამიანის სიკვდილი, ამიტომ პარტნიორებმა შორ მანძილზე მსროლელი აღჭურვილობა უნდა მიაწოდონ.