ჟენევაში გაეროში რუსეთის წარმომადგენლობის დიპლომატმა, ბორის ბონდარევმა უკრაინაში რუსეთის ომი დაგმო და თანამდებობა დატოვა. როგორ ის წერს, არასდროს ყოფილა ისე შერცხვენილი საკუთარი ქვეყნით, როგორც ახლაა.

"ჩემი დიპლომატიური კარიერის ოცი წლის განმავლობაში მე ჩვენი საგარეო პოლიტიკის არაერთი ცვლილება მინახავს, მაგრამ არასდროს შემრცხვენია ისე, როგორც ამ წლის 24 თებერვალს", — წერს დიპლომატი.

ის, ასევე, აღნიშნავს, რომ პუტინის გაჩაღებული ომი, არა მხოლოდ უკრაინელი ხალხისა და მთელი დასავლური სამყაროს, არამედ თავად რუსი ხალხის წინააღმდეგ ჩადენილი ყველაზე სერიოზული დანაშაულია.

ბონდარევი წერს, რომ რუსეთის მუშაობის 20 წლის მანძილზე რუსეთის საგარეო სამინისტროში "სიცრუისა და არაპროფესიონალიზმის დონე მუდმივად იზრდებოდა", თუმცა ეს ბოლო წლები კატასტროფული გახდა.

"დღევანდელი სამინისტრო არა დიპლომატია, არამედ ომის გაღვივება, ტყუილი და სიძულვილია", — ამბობს ის.

ბონდარევის თანამდებობის დატოვების შესახებ ინფორმაცია და წერილი UN Watch-ის აღმასრულებელმა დირექტორმა გამოაქვეყნა. მოგვიანებით, გადადგომის შესახებ ინფორმაცია თავად Associated Press-თან დაადასტურა.