2017 წლის ივნისის ბოლოდან სექტემბრის პირველ რიცხვებამდე პეკინის გამზირი ეტაპობრივად გადაიკეტება. თბილისის მერიის კეთილმოწყობის სამსახური გზის საფარის, ტროტუარებისა და კომუნიკაციების შეცვლას გეგმავს. უწყებაში ფიქრობენ, რომ პროექტის სავარაუდო ღირებულება ორ მილიონ ლარამდე იქნება, სატენდერო დოკუმენტები ახლა მზადდება. ამის შესახებ On.ge-ს უწყების პრესსამსახურში განუცხადეს.

"გავრცელდა ინფორმაცია, რომ მთლიანი პეკინის ქუჩა გადაიკეტება, მაგრამ ასე არ მოხდება. სამუშაოები ეტაპობრივად ჩატარდება და გადაიკეტება ქუჩის სხვადსხვა მონაკვეთი, რომ არ მოხდეს რომა რ გადაიტვირთოს მოძრაობა," - ამბობენ კეთილმოწყობის სამსახურში და დასძენენ, რომ ახლა, ამ პერიოდში ტრანსპორტის მარშუტების გეგმაზე მუშაობენ.

მათი თქმით, ტროტუარები ადაპტირებული იქნება შშმ პირებისთვის, თუმცა, მიწისქვეშა ან მიწისზედა გადასასვლელები ამ ეტაპზე არ ადაპტირდება. გზის რეაბილიტაციის შემდეგ, უცვლელად დარჩება პარკირების წესებიც.