თბილისის საქალაქო სასამართლოს ყოფილი თავმჯდომარე, მამუკა ახვლედიანი, სავარაუდოდ, სასამართლოში სარჩელს დღეს შეიტანს. ახვლედიანი სასამართლოში პატივისა და ღირსების შელახვის საქმეზე აპირებს დავას. მას მიაჩნია, რომ მისი ქონების შესახებ გავრცელებული ინფორმაციით მის პატივსა და ღირსებას ზიანი მიადგა.

მას სარჩელი რვა ადამიანის წინააღმდეგ შეაქვს, მათ შორის არიან პარლამენტარები: ზვიად ძიძიგური, არჩილ თალაკვაძე, მამუკა მდინარაძე და იუსტიციის მინისტრი თეა წულუკიანი. ახვლედიანი მიღებული ზიანისთვის 10 ათას ლარსა და ბოდიშის მოხდას ითხოვს.

მამუკა ახვლედიანის მიერ პატივისა და ღირსების შელახვის საქმეზე სარჩელის შეტანაზე ინფორმაცია რამდენიმე თვის წინ გავრცელა.