წლევანდელ Met Gala-ზე კიმ კარდაშიანმა მერილინ მონროს ბრილიანტებით მორთული საკულტო კაბა მოირგო. მერილინ მონროს ეს კაბა 1962 წელს სიმღერა Happy Birthday, Mr. President-ის შესრულების დროს ეცვა, რომლითაც ჯონ კენედის დაბადების დღე მიულოცა.

კიმ კარდაშიანის თქმით, კაბის მოსარგებად მკაცრი დიეტა დაიცვა და მან 3 კვირაში 7 კგ-ზე მეტი დაიკლო, რის გამოც მოდელი ბევრმა გააკრიტიკა.

გარდა ამისა, გავრცელდა კადრები, რომელშიც ჩანს, რომ კიმს დიეტის მიუხედავად, კაბა ბოლომდე არ ეკვრებოდა. კადრების ნახვის შემდეგ კი მაყურებლები ვარაუდობდნენ, რომ კიმ კარდაშიანს Met Gala-ზე ქურქი იმიტომ ეცვა, რომ კაბა ბოლომდე არ ეკვრებოდა.

ფოტო: Getty Images

ახლახან კიმ კარდაშიანმა განაცხადა, რომ Met Gala-ს შემდეგ მერილინ მონროს კიდევ ერთი კაბა მოირგო. მეორე კაბა მერილინს 1962 წლის ოქროს გლობუსის დაჯილდოებაზე ეცვა, რომელზეც ჩარლტონ ჰესტონთან ერთად ჯილდოც მიიღო.

"Met Gala-ს შემდეგ მქონდა პატივი, რომ მერილინ მონროს კიდევ ერთი კაბა მომერგო, რომელიც მას 1962 წლის ოქროს გლობუსის დაჯილდოებაზე ეცვა", — წერს კიმი თავის ინსტაგრამზე.

მოგვიანებით გაირკვა, რომ კიმს მეორე კაბა ზუსტად ისე არ ეცვა, როგორც თავად მერილინ მონროს. კაბის მეპატრონის განცხადებით, კიმმა კაბის მორგებისას თქვა, რომ კაბა "არ მოუხდა". შემდეგ კი მოდელმა გადაწყვიტა, კაბა მოკლე სახელოების გარეშე ჩაეცვა და სტილი ცოტათი შეცვალა.