კიევის საქალაქო ადმინისტრაციის თავმჯდომარის პირველი მოადგილე, მიკოლა პოვოროზნიკა უკრაინელებს რუსეთის მხრიდან შესაძლო პროვოკაციებზე აფრთხილებს. მისი თქმით, კიევში დღეს უკვე 4-ჯერ გამოცხადდა საჰაერო განგაში.

"8 მაისს შესაძლებელია პროვოკაციები, მხოლოდ დღეს, დილის 00:00 საათიდან დილის 10 საათამდე, უკვე ოთხჯერ გამოცხადდა საჰაერო თავდასხმის გაფრთხილება, ძალიან ფრთხილად უნდა ვიყოთ, უნდა გავიაზროთ ყველა ის საფრთხე, რაც დღეს არსებობს", — თქვა მან.

პოვოროზნიკის თქმით, რუსეთის გზავნილები და ქმედებები მიუთითებს იმაზე, რომ ყველაფრისთვის უნდა იყვნენ მზად.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში