ბოლო ორი წლის განმავლობაში, პანდემიამ ნათლად დაგვანახა გლობალიზაციისა და ელექტრონული კომერციის მნიშვნელობა ნებისმიერი მზარდი ბიზნესის განვითარებისთვის. პანდემიამ და თანმხლებმა პროცესებმა კიდევ უფრო დააჩქარეს და ხელი შეუწყეს ვირტუალურ, ონლაინ შოპინგის კულტურას და დღევანდელ რეალობაში უკვე წარმოუდგენელია წარმატებული ბიზნესის არსებობა, გამართული ონლაინ გაყიდვის არხების გარეშე.

ონლაინ კომერციის ყველაზე დიდი უპირატესობები — მოქნილობა, დაბალი ხარჯები და მომხმარებლისთვის მაქსიმალური კომფორტის შექმნაა. დღეს, ელექტრონული კომერციის საშუალებით, შესაძლებელია მინიმალური დანახარჯებით განთავსდეს პროდუქცია ონლაინ სივრცეში და გავიდეს ექსპორტზე. ამისთვის, უკვე აღარ არის აუცილებელი დიდ კომპანიებთან თანამშრომლობა და ძვირადღირებული ვებგვერდების შეკვეთა. ბიზნესის წარმომადგენლებს უკვე შეუძლიათ საკუთარი ბრენდისთვის თვითონ ააწყონ მაღალ ფუნქციონირებადი, პროფესიონალური ვებგვერდი, რომელიც მაქსიმალურად იქნება მორგებული, როგორც ადგილობრივ, ასევე უცხოურ ბაზარზე.

Shopify ერთ-ერთი ყველაზე მასშტაბური, ელექტრონული კომერციის პლატფორმაა, რომელსაც გლობალურად მილიონობით ბიზნესი იყენებს სერვისის ან პროდუქციის გასაყიდად. ამ პლატფორმაზე ყოველწლიურად მატულობს გაყიდვებისა და მომხმარებლების რიცხვი, რის გამოც საძიებო სისტემის შედეგებში (SERP) Shopify-ის პლატფორმაზე აწყობილ მაღაზიებს პრიორიტეტული ადგილი უჭირავს.

WordPress-ისგან და სხვა ალტერნატივებისგან განსხვავებით, Shopify ბევრად უფრო მოქნილი და კომფორტული პლატფორმაა, რომელსაც სულ რაღაც ერთ თვეში სრულფასოვნად შეისწავლით. Shopify-ზე ვებგვერდის ასაწყობად არ არის საჭირო JavaScript ენის ცოდნა ან რაიმე ტექნიკური გამოცდილების ქონა ამ სფეროში.

2021 წლის მონაცემებით, Shopify-ის პლატფორმაზე კომპანიებმა $175.4 მილიარდის პროდუქცია გაყიდეს, რაც გულისხმობს 47%-იან ზრდას 2020 წლის მონაცემებთან შედარებით. აქედან გამომდინარე, პროდუქციის ექსპორტზე გასატანად სულაც არ არის საჭირო ბიუჯეტიდან დიდი თანხების გამოყოფა.

სწორედ ამიტომ, თანამედროვე სამყაროში კომპანიის ბიზნეს პროცესების გაციფრულებისთვის, BDO Academy გთავაზობთ კურსს — ელექტრონული კომერცია, რომელიც Shopify-ის პლატფორმაზე მოიცავს ყველა იმ ძირითადი უნარ-ჩვევების განვითარებას, რაც დაგეხმარებათ თქვენი ბრენდის ხილვადობის გაზრდაში ონლაინ სივრცეში და საკუთარი პროფესიონალური ვებგვერდის აწყობაში.

კურსს გაუძღვება ქისას დამფუძნებელი ეკატერინა რამიშვილი - ელექტრონული კომერციის სპეციალისტი, Etsy-ისა და Shopify-ის პლატფორმების ექსპერტი.

ელექტრონული კომერციის ტრენინგი საშუალებას მოგცემთ მიიღოთ ტექნიკური ცოდნა და შეისწავლოთ:

  • Shopify-ის პლატფორმის მართვა;
  • სრულყოფილი, პროფესიონალური ვებგვერდის აწყობა;
  • Shopify-ის საძიებო სისტემის ოპტიმიზაცია (SEO);
  • SEO ხელსაწყოების მოხმარების პრინციპები;
  • ექსპორტზე გასვლისთვის აუცილებელ ხელსაწყოები.