ბელარუსში რეაგირების ძალების მოულოდნელი შემოწმება მიმდინარეობს. ინფორმაციას ბელარუსის თავდაცვის სამინისტრო ავრცელებს.

როგორც უწყება ამბობს, მიზანი შეიარაღებული ძალების მზადყოფნის შემოწმება და შესაძლო კრიზისული სიტუაციებისთვის დროული რეაგირების შეფასებაა. ამასთან, თავდაცვის სამინისტრო ამტკიცებს, რომ მიმდინარე ღონისძიებები "არანაირ საფრთხეს არ უქმნის არც ევროპულ საზოგადოებას და არც მეზობელ ქვეყნებს".

"შემოწმებაში ჩართული ძალების შემადგენლობა ეტაპობრივად გაიზრდება, რაც შესაძლებელს გახდის სამხედრო საფრთხეების წინააღმდეგ მათი უნარი, როგორც ხმელეთზე, ასევე, ჰაერში გამოსცადონ", — ამბობენ ისინი.