საქართველოში ევროკავშირის წარმომადგენლობამ ევროკავშირის პრიზი ჟურნალისტიკაში 2021 წლის გამარჯვებულები გამოავლინა. კატეგორიაში საუკეთესო ბლოგი/საავტორო სტატია/სვეტი ბეჭდურ, ელექტრონულ ან სამაუწყებლო მედიაში გამარჯვებული ხატია ღოღობერიძე გახდა.

ხატია On.ge-ს მთავარი რედაქტორი იყო. 2018 წელს დაჯილდოვდა GIPA/Friedman-ის პრიზით საუკეთესო სიღრმისეული ნამუშევრისათვის სექსუალური შევიწროების თემაზე. 2019 წელს კი ქალთა ფონდმა კატო მიქელაძის პრემია გადასცა ქალების წინაშე არსებული გამოწვევების, სექსუალური შევიწროების, ძალადობისა და დისკრიმინაციული ფაქტების სისტემატიურად და ეთიკურად გაშუქებისათვის.

გამარჯვებული ნაშრომი დედებისთვის პანდემიის პერიოდში შექმნილ გამოწვევებსა და სირთულეებზეა. ბლოგში ხატია აღწერს ქალების ყოველდღიურობასა ოჯახისა და სამსახურის პარალელურად.

გამარჯვებულები ევროკავშირის ელჩმა საქართველოში, კარლ ჰარცელმა დააჯილდოვა. მან აღიშნა, რომ ჟურნალისტიკაში ევროკავშირის პრიზის მე-10 წლისთავი ევროპაში მიმდინარე ომის ფონზე იმართება და მიუხედავად იმისა, რომ წელს სადღესასწაულო განწყობა არ არის, მაინც საჭიროა ღირსეულად დავაფასოთ პროფესიონალი, პატიოსანი და თამამი მედია.

"წელს ჩვენ, 3 მაისს პრესის თავისუფლების დღეს აღვნიშნავთ იმ პირობებში, როდესაც უკრაინელი ჟურნალისტები საკუთარ სიცოცხლეს რუსეთის ბარბაროსული ქმედებების შესახებ სიმართლის გასავრცელებლად სწირავენ, და როდესაც რუსეთმა კიდევ უფრო შეზღუდა პრესის თავისუფლება და საკუთარ მოსახლეობას დეზინფორმაციითა და პროპაგანდით კვებავს.

ჟურნალისტიკაში ევროკავშირის პრიზის მიზანი ალბათ არასდროს ყოფილა ისეთი აქტუალური, როგორც ახლა, ვინაიდან დღეს გვაქვს ბევრად უფრო ძლიერი მიზეზი იმისათვის, რომ დავაფასოთ ის ადამიანები, რომლებიც სიმართლეს მაღალი ეთიკური და პროფესიული სტანდარტებით ემსახურებიან", — თქვა კარლ ჰარცელმა.

ევროკავშირის პრიზი ჟურნალისტიკაში 2021 წლის კონკურსის გამარჯვებულები არიან:

საუკეთესო სტატია ბეჭდურ ან ელექტრონულ მედიაში

საუკეთესო სიუჟეტი სამაუწყებლო ან ელექტრონულ მედიაში

საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში

საუკეთესო ბლოგი/საავტორო სტატია/სვეტი ბეჭდურ ან ელექტრონულ მედიაში

საუკეთესო ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში

საუკეთესო დოკუმენტური ფოტო, რომელიც ევროკავშირის ფასეულობებს ასახავს

კონფლიქტების თემატიკასთან დაკავშირებული საუკეთესო ჟურნალისტური ნაშრომი (ევროკავშირის სადამკვირვებლო მისიის EUMM სპეციალური პრიზი)