ჯეფ ბეზოსის ქონება 20,5 მილიარდით შემცირდა. მსოფლიოში სიმდიდრით მეორე ადგილზე მყოფმა ადამიანმა 24 საათში სწორედ ამ მოცულობის თანხა დაკარგა. უფრო კონკრეტულად, ბეზოსმა ზარალი 29 აპრილის საფონდო ბირჟის სესიაზე განიცადა, რაც Amazon-ის აქციების ფასის ვარდნას უკავშირდება.

Amazon-ის ფინანსური მაჩვენებლების შესახებ ინფორმაცია სწორედ აპრილის ბოლოს გავრცელდა, რომლის თანახმადაც კომპანიამ გასულ კვარტალში $3,8 მილიარდიანი ზარალი ნახა — ეს თითო აქციაზე დაანგარიშებით $7,56 დოლარი გამოდის. აღსანიშნავია, რომ გასული წლის იმავე პერიოდში კომპანიის მოგება 8,1 მილიარდ დოლარს შეადგენდა — ერთ აქციაზე $15,79-ს.

კომპანიის ფინანსური ანგარიშების მიხედვით, შემოსავლები წლიურად 7%-ით არის გაზრდილი და 116,4 მილიარდს შეადგენს, თუმცა ეს ბოლო ათწლეულის განმავლობაში შემოსავლების ყველაზე ნელი ზრდაა.

29 აპრილის ვაჭრობის შედეგად, Amazon-ის აქციების ფასი 14,05%-ით შემცირდა და 2 486,63 დოლარს გაუტოლდა. ეს კომპანიისთვის 2006 წლის ივლისის შემდეგ ყველაზე ცუდი დღე იყო. ამჟამად კომპანიის ერთი აქციის ფასი 2 416,31 დოლარს უტოლდება.

"პანდემიამ და უკრაინაში მიმდინარე ომმა გამოწვევების წინაშე დაგვაყენა" — ამბობს Amazon-ის აღმასრულებელი დირექტორი ენდი ჯასი. მისივე თქმით, კომპანია არსებულ სირთულეებს გაუმკლავდება.

უნდა ითქვას, რომ პანდემიის პერიოდში ონლაინ-შოპინგის მომხმარებელთა რიცხვი გაიზარდა. თუმცა, როგორც Amazon-ის ფინანსურ მაჩვენებლებში ჩანს, ახლა კომპანიის საოპერაციო ხარჯებიც გაზრდილია, რაც დაქირავებულთა რაოდენობის ზრდასა და ლოჯისტიკური ხარჯების მატებას უკავშირდება.

Bloomberg-ის მილიარდერთა რეიტინგში ბეზოსი კვლავ მეორე ადგილს იკავებს და მისი ქონება $148 მილიარდად არის შეფასებული. FactSet-ის თანახმად, ბეზოსის ქონების დიდ ნაწილს Amazon-ის აქციები შეადგენს. ამჟამად კომპანიის დამფუძნებელი Amazon-ის 9,81%-იან წილს ფლობს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.