კიევის რეგიონული პოლიციის უფროსის, ანრეი ნებიტონის განცხადებით, რუსეთის უკრაინაში შეჭრის დღიდან კიევის ოლქში 1150 ადამიანის ცხედარია ნაპოვნი. მან ხაზი გაუსვა, რომ ისინი მშვიდობიანი მოქალაქეები იყვნენ და არა სამხედროები.

"კიევის რეგიონში გაწმენდითი ოპერაციისა და დეტექტიური ჯგუფების მუშაობის შედეგად 1150 ცხედარი ვიპოვეთ და გამოვიკვლიეთ. ცხედრები ექსპერტიზას გადავეცით", — თქვა მან.

ნებიტონი აღნიშნავს, რომ დაღუპულთა უმეტესობა ბუჩას რეგიონიდანაა. მათი უმრავლესობა კი ცეცხლსასროლი იარაღის ტყვიას ემსხვერპლა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში