ბოლო პერიოდში კინოსამყაროს ყურადღება ჯონი დეპისა და ამბერ ჰერდის სასამართლო პროცესისკენაა მიმართული — დეპი თავის ყოფილ ცოლს 2018 წელს გამოქვეყნებული ოპ-ედის გამო, სადაც ჰერდი ოჯახში ძალადობის გამოცდილებაზე წერს, ცილისწამებისთვის უჩივის.

ვირჯინიის შტატის სასამართლოს შენობასთან ჯონი დეპის ფანები მსახიობის მხარდასაჭერად ხშირად იკრიბებიან. მათ შორისაა ანდრეა დიაზიც, რომელიც ჯონი დეპის გასამხნევებლად ორ ალპაკასთან ერთად მოვიდა.

ანდრეამ კორონავირუსის დროს პატარა ბიზნესი წამოიწყო, რომლის ფარგლებშიც ბავშვების გასამხნევებლად მათთან ალპაკები მიჰყავს. ანდრეა იმის შესაძლებლობას უშვებს, რომ დეპმა შესაძლოა ალპაკები პირადად ვერ ნახოს, თუმცა მაინც უნდოდა ეცადა და დოლჩე და ინტი მსახიობის მხარდასაჭერად წამოეყვანა: "ვიფიქრე, რომ ალპაკები დღის განწყობას შეუქმნიდნენ".

აღსანიშნავია, რომ ცოტა ხნის წინ ჯონი დეპს ამბერის ადვოკატმა ჰკითხა, დაუბრუნდებოდა თუ არა მსახიობი ჯეკ ბეღურას როლს, თუნდაც სანაცვლოდ $300 მილიონი და მილიონი ალპაკა რომ მიეღო. დეპმა დაადასტურა, რომ კარიბის ზღვის მეკობრეებში დაბრუნებას არ აპირებს. შესაძლოა, სწორედ ალპაკების შესახებ კითხვა გახდა ანდრეა დიასის შთაგონების წყარო, როცა სასამართლოს შენობასთან ორ ფაფუკ ცხოველთან ერთად მოვიდა.

ამავე თემაზე:

ჯონი დეპის თქმით, კარიბის ზღვის მეკობრეებში აღარასდროს დაბრუნდება