საქართველოს განათლებისა და მეცნიერების სამინისტროს გადაწყვეტილებით, სკოლის ბუფეტებში მოსწავლეებისთვის ხელმისაწვდომი აღარ იქნება არაჯანსაღი საკვები პროდუქტები.

"აღნიშნული რეკომენდაციის თანახმად, სკოლებში იკრძალება წასახემსებლების (ჩიფსები, ე.წ სუხარიკები, ჟელიბონები), კანფეტების, შოკოლადების, გაზიანი სასმელების (გარდა გაზიანი მინერალური წყლისა) გაყიდვა" - აცხადებს უწყება.

განათლების სამინისტროს თქმით, რომ მსგავსი საკვები მოზარდების ჯანმრთელობას საფრთხეს უქმნის, ხოლო ჯანსაღი საკვები ყოველდღიურ რეჟიმში დაეხმარება მოსწავლეებს კონცენტრირება მოახდინონ საგაკვეთილო პროცესზე, რაც ხელს შეუწყობს მათ მარტივად აითვისონ სასკოლო მასალა.

განათლების სამინისტროს ინფორმაციით, რეკომენდაცია შეთანხმებულია ჯანდაცვის სამინისტროსთან.