Reuters-ის თანახმად, ავსტრიის კანცლერმა, კარლ ნეჰამერმა განაცხადა, რომ ვლადიმერ პუტინთან შეხვედრა ძალიან პირდაპირი, ღია და ხისტი იყო. ინფორმაციას მედია ავსტრიის მიერ გავრცელებულ ოფიციალურ განცხადებაზე დაყრდნობით ავრცელებს.

"ჩემი ყველაზე მნიშვნელოვანი შეტყობინება პუტინისთვის იყო ის, რომ ეს ომი საბოლოოდ უნდა დასრულდეს, რადგან ომში ორივე მხარეს მხოლოდ დამარცხებულები არიან", — აღნიშნულია განცხადებაში.

ინფორმაცია, რომ ავსტრიის კანცლერი პუტინს შეხვდებოდა დღეს გავრცელდა. ნეჰამერმა აღნიშნა, რომ აპირებდა პუტინს მოსკოვში პირისპირ შეხვედროდა, რათა უკრაინაში მიმდინარე ომის შესახებ სიმართლე ეთქვა.