ბრიტანული საქველმოქმედო ორგანიზაცია Antarctic Heritage Trust ეძებს ადამიანებს, რომლებიც ანტარქტიდაზე 5 თვეს გაატარებენ. მათი მოვალეობა პინგვინების დათვლა იქნება.

შერჩეული კანდიდატების ჯგუფს პინგვინების დათვლის გარდა, ფოსტაში, მუზეუმსა და სუვენირების მაღაზიებში მუშაობაც დაევალებათ. კანდიდატების შერჩევისას გადამწყვეტი კრიტერიუმები მათი ჯანმრთელობა, ფიზიკური მომზადება და რთული გარემო პირობების მიმართ ამტანობაა. ორგანიზაციის განცხადებით, აღნიშნულ პოზიციაზე მუშაობის სურვილს ჩვეულებრივ ასობით ადამიანი გამოთქვამს.

ორგანიზაციის მთავარი მიზანი ანტარქტიდაზე არსებული მნიშვნელოვანი ძეგლებისა და არტეფაქტების დაცვა და მეთვალყურეობაა, რათა მათი ნახვის შესაძლებლობა მომავალ თაობებსაც ჰქონდეთ.

დასაქმებულები ლაკროის პორტში იცხოვრებენ და იმუშავებენ. იქაურობა COVID-19-ის გამო დამთვალიერებლებისთვის 2019 წლიდან 2 წლის განმავლობაში იყო დახურული. ჩვეულებრივ, აღნიშნული ადგილი ნოემბრიდან მარტის ჩათვლით ყოველწლიურად დააახლოებით 18 000 სტუმარს მასპინძლობს.

ბრიტანეთის მოქალაქეებს აპლიკაციების შეტანა 25 აპრილის ჩათვლით შეეძლებათ. შერჩეული კანდიდატები სპეციალურ გადამზადებას გაივლიან, მოგვიანებით კი ანტარქტიდაზე გაემგზავრებიან.