აშშ-ის პრეზიდენტი ჯო ბაიდენი და პირველი ლედი ჯილ ბაიდენი წელს თეთრ სახლში მათი უფროსი შვილიშვილის, ნაომი ბაიდენის ქორწილს უმასპინძლებენ.

თეთრ სახლში მიღება 19 ნოემბერს იგეგმება, თუმცა ჯერ არ არის ნათქვამი, კონკრეტულად სად გაიმართება ქორწილის ცერემონია.

ფოტო: Peter Neal and Naomi Biden

"პრეზიდენტის ოჯახი, წყვილი და მათი მშობლები ჯერ კიდევ საქორწილო მზადების პროცესში არიან და მოუთმენლად ველით, რომ უახლოეს თვეებში გამოაცხადებენ დამატებით დეტალებსაც", — თქვა პირველი ლედის კომუნიკაციების ხელმძღვანელმა, ელიზაბეტ ალექსანდერმა.

28 წლის ნაომი ბაიდენი ჰანტერ ბაიდენისა და კეტლინ ბულის შვილია. ის ადვოკატია და ამჟამად ვაშინგტონში ცხოვრობს. თეთრი სახლის ოფიციალური პირის თქმით, ბაიდენი 24 წლის პიტერ ნილზე გასული წლის სექტემბერში დაინიშნა. ნილმა ნაომის თავისი ბავშვობის დროინდელ სახლთან სთხოვა ხელი და ბებიის ნიშნობის ბეჭედი აჩუქა. წყვილი დაახლოებით ოთხი წელია, ერთადაა: მათ ერთმანეთი ნიუ-იორკში, საერთო მეგობრის მიერ დაგეგმილ შეხვედრაზე გაიცნეს.

ფოტო: Cobra Team / BACKGRID

აღსანიშნავია, რომ ეს პირველი შემთხვევა არ იქნება, როცა აშშ-ის პრეზიდენტის რეზიდენციაში ქორწილი გაიმართება: თეთრი სახლი ქორწინებების დიდი ისტორიით გამოირჩევა, მათ შორის ბოლოს 2008 წელს გაიმარჯა ჯორჯ ბუშის შვილის, ჯენა ბუშის ქორწილი.