ვოლოდიმირ ზელენსკის კრიტიკის საპასუხოდ, გერმანიის ყოფილი კანცლერი, ანგელა მერკელი ამბობს, რომ სწორი გადაწყვეტილება მიიღო, როდესაც 2008 წელს უკრაინის NATO-ში მიღება დაბლოკა.

"ყოფილი კანცლერი ანგელა მერკელი ბუქარესტში NATO-ს სამიტზე 2008 წელს მიღებული გადაწყვეტილების ერთგული რჩება", — თქვა მისმა სპიკერმა.

დღეს უკრაინის პრეზიდენტმა, ვოლოდიმირ ზელენსკიმ გერმანიის ყოფილი კანცლერი ანგელა მერკელი და საფრანგეთის ყოფილი პრეზიდენტი ნიკოლა სარკოზი ბუჩაში მიიწვია, რათა ნახონ, რა მოიტანა "რუსეთთან 14-წლიანმა დათმობის პოლიტიკამ".

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.