ქართული ოცნების დეპუტატის, გია ვოლსკის თქმით, ოლიგარქები არიან ადამიანები, ვინც ქვეყანაში შექმნილი ვითარებით და თავის ფულადი რესურსებით ბოროტად სარგებლობენ, ხოლო ბიჩინა ივანიშვილი ოლიგარქი არ არის.

"ბიძინა ივანიშვილი არ არის ოლიგარქი. ოლიგარქები არიან ადამიანები, ვინც ბოროტად სარგებლობენ ქვეყანაში შექმნილი ვითარებით და თავისი ფულადი რესურსებით, რომლის უდიდესი ნაწილი დახარჯულია და დახარჯული იქნება საქართველოს ხვალიდნელი დღისთვის. კულტურული მემკვიდრეობიდან დაწყებული, დამთავრებული საგანმანათლებლო სისტემის, ჯანდაცვის სისტემის და სხვა სოციალური საკითხებისა და თუნდაც ბუნების, გარემოს დაცვის საკითხების მოსაგვარებლად.

ეს არის განსხვავება ის, რაც არ იცის ფოტიგამ და ალბათ, ვერც გაიგებს, რა განსხვავებაა იმ ადამიანებს შორის, ვისაც იგი უწოდებს ოლიგარქებს და იმ ადამიანებს შორის, ვინც არიან რეალური ქველმოქმედები და თავის ქვეყნისთვის თავდადებული ადამიანები", — ამბობს ის.

30 მარტს ევროპარლამენტარმა, ანა ფოტიგამ განაცხადა, რომ მრავალმა დამოუკიდებელმა ინსტიტუციამ, ექიმებმა და დიპლომატებმა გამოთქვეს სერიოზული შეშფოთება სააკაშვილის სასამართლო პროცესის მიმდინარეობასა და მის მიმართ ციხეში არასათანადო მოპყრობის შესახებ, რაც წაქეზებულია ოლიგარქი ბიძინა ივანიშვილის მიერ, რომელსაც კავშირები აქვს რუსეთთან და აქვს არაფორმალური გავლენა საქართველოს მთავრობაზე.