საქართველოს ახალგაზრდა იურისტთა ასოციაცია მიიჩნევს, რომ სტაციონარული საბაგირო მოწყობილობების დამონტაჟებისთვის საკუთრების ჩამორთმევის კანონის ინიციატივა, სავარაუდოდ, პანორამა თბილისის პროექტს უკავშირდება. ამის შესახებ ინფორმაცია საიამ დღეს, 26 აპრილს გაავრცელა.

სიას ინფორმაციით, საქართველოს მთავრობამ, მიმდინარე თვეში, პარლამენტში „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ" საქართველოს კანონის პროექტი წარადგინა.

"მიუხედავად იმის, რომ კანონპროექტს მოცულობითი განმარტებითი ბარათის ახლავს თან, ბარათში არ არის აღნიშნული, თუ რით არის განპირობებული სტაციონარული საბაგირო მოწყობილობების დამონტაჟების დროს საკუთრების ჩამორთმევის დაკანონება. დაუსაბუთებლად, ყოველგვარი სათანადო არგუმენტაციის გარეშე, მეტად სპეციფიკური ინიციატივის შემუშავება აჩენს კითხვებს, ხომ არ ემსახურება აღნიშნული კერძო ინტერესებს/პროექტებს, და არა ობიექტურ საზოგადო საჭიროებას," - აღნიშნავენ ორგანიზაციაში.

ორგანიზაციაში აღნიშნავენ, რომ თანაინვესტირების ფონდის საბაგიროს მოწყობისთვის სამუშაოებს თბილისის ძველ უბანში გეგმავს, რასაც, შესაძლოა, ახლდეს საკუთრების ჩამორთმევა.

პანორამა თბილის საქართველოს ყოფილი პრემიერ-მინისტრისა და საპარლამენტო უმრავლესობაში მყოფი პარტიის - ქართული ოცნების დამფუძნებლის, ბიძინა ივანიშვილის ინიციატივით შენდება.