უკრაინის პრეზიდენტის ადმინისტრაციის უფროსის მრჩეველი, მიხაილო პოდოლიაკი Wall Street Journal-ის მიერ გავრცელებულ ინფორმაციას, რომ თითქოს რომან აბრამოვიჩს და უკრაინის დელეგაციის წევრებს მოწამვლის სიმპტომები ჰქონდათ ეხმაურება და აცხადებს, რომ მოლაპარაკებების ჯგუფის ყველა წევრი დღეს ჩვეულ რეჟიმში მუშაობს.

პოდოლიაკმა ხაზგასმით აღნიშნა, რომ საინფორმაციო სფეროში არის უამრავი სპეკულაცია, სხვადასხვა შეთქმულების თეორიები და ამა თუ იმ საინფორმაციო თამაშის ელემენტები.

მოწამვლის შესახებ ინფორმაცია უარყო უკრაინის დელეგაციის წევრმა, რუსტემ უმეროვმაც, რომელიც ერთ-ერთი იყო იმ პირებს შორის, რომლებზეც მედიამ განაცხადა, რომ მოლაპარაკებების შემდეგ მოიწამლნენ.

Wall Street Journal-მა გაავრცელა ინფორმაცია, რომ რუს ოლიგარქ რომან აბრამოვიჩს და მასთან მოლაპარაკებებზე მყოფ უკრაინის დელეგაციის წევრებს მოწამლვლის სიმპტომები ჰქონდათ. მედია წერს, რომ რუს ოლიგარქ რომან აბრამოვიჩს და მასთან მოლაპარაკებებზე მყოფ უკრაინის დელეგაციის წევრებს მოწამლვლის სიმპტომები ჰქონდათ. BBC-ის ცნობით აბრამოვიჩის მოწამვლა დაადასტურეს მასთან დაახლოებულმა პირებმაც.

Wall Street Journal-ის ცნობით, რამდენიმე წყარო ამ ინციდენტში კრემლს ადანაშაულებს და ამბობენ, რომ მათ მოლაპარაკებების ჩაშლა სურდათ. მედია წერს, რომ როგორც აბრამოვიჩთან დაახლოებულმა პირმა თქვა, მათ არ იციან ვისი სამიზნე გახდა აღნიშნული ჯგუფი.