უკრაინის დელეგაციის წევრი, რუსტემ უმეროვი აცხადებს, რომ მის შესახებ გავრცელებული ინფორმაცია, თითქოს ის რუს ოლიგარქ რომან აბრამოვიჩთან მოლაპარაკებების შემდეგ მოიწამლა მცდარია. ამის შესახებ მან ტვიტერზე დაწერა.

"კარგად ვარ. ეს არის ჩემი პასუხი ყველა ყვითელი სიახლის შესახებ, რაც ვრცელდება. გთხოვთ, არ ენდოთ გადაუმოწმებელ ინფორმაციას. ჩვენ საინფორმაციო ომშიც ვართ. თავს გაუფრთხილდით, დიდება უკრაინას", — წერს ის.

უმეროვი ერთ-ერთი იყო იმ პირებს შორის, რომლებზეც Wall Street Journal-მა განაცხადა, რომ მოლაპარაკებების შემდეგ მოიწამლნენ. მედია წერს, რომ რუს ოლიგარქ რომან აბრამოვიჩს და მასთან მოლაპარაკებებზე მყოფ უკრაინის დელეგაციის წევრებს მოწამლვლის სიმპტომები ჰქონდათ. BBC-ის ცნობით აბრამოვიჩის მოწამვლა დაადასტურეს მასთან დაახლოებულმა პირებმაც.

Wall Street Journal-ის ცნობით, რამდენიმე წყარო ამ ინციდენტში კრემლს ადანაშაულებს და ამბობენ, რომ მათ მოლაპარაკებების ჩაშლა სურდათ. მედია წერს, რომ როგორც აბრამოვიჩთან დაახლოებულმა პირმა თქვა, მათ არ იციან ვისი სამიზნე გახდა აღნიშნული ჯგუფი.