ილიას სახელმწიფო უნივერსიტეტის საკვირაო სკოლა მრავალი წელია მოსწავლეებს მთელი საქართველოდან სთავაზობს ხარისხზე ორიენტირებულ პრაქტიკულ საგანმანათლებლო კურსებს.

გვსურს, მიმდინარე უმძიმესი მოვლენების გამო საკვირაო სკოლის ფორმატში ეს შესაძლებლობა უკრაინის მოქალაქე მოსწავლეებსაც მიეცეთ. ამიტომ უკრაინისა და საქართველოს მოქალაქეებისთვის, რომელთაც აქვთ მოსწავლეებისთვის სწავლების გამოცდილება, ვაცხადებთ კონკურსს საკვირაო სკოლის მოწვეული პედაგოგის პოზიციაზე.

კურსები სრულად დისტანციურ ფორმატში განხორციელდება, ამიტომ შერჩეული პირები შეძლებენ პლატფორმა ზუმის გამოყენებით წარმართონ კურსი და სასწავლო პროცესი.

დაინტერესებულ პირებს გთხოვთ 2022 წლის 9 აპრილის ჩათვლით შეავსოთ ელექტრონული ფორმა და ფორმაშივე ატვირთოთ კურსის სილაბუსი, რეზიუმე (CV).

სააპლიკაციო ფორმა ხელმისაწვდომია ბმულზე.

კურსის ხანგრძლივობა არ უნდა აღემატებოდეს 3 თვეს.

კურსების სამუშაო ენები:

  • უკრაინელი მოსწავლეებისთვის განკუთვნილი კურსებისთვის — უკრაინული, ინგლისური;
  • უკრაინელი და ქართველი მოსწავლეებისთვის განკუთვნილი კურსებისთვის — ინგლისური

კურსების თემატიკა:

  • ენების შემსწავლელი კურსები (ქართული, უკრაინული დამწყებთათვის, სხვ.);
  • ისტორია/პოლიტოლოგია/საერთაშორისო ურთიერთობები;
  • ტექნოლოგიების მიმართულება: გრაფიკული დიზაინი, პროგრამირება, ციფრული მედია, ქოფირაითინგი, სთორითელინგი და სხვ.;
  • ფსიქოლოგია;
  • სხვ. (თავისუფალი თემატიკა).