ბიძინა ივანიშვილის ღია წერილს მთავრობის წევრები გამოეხმაურნენ. ნოდარ ხადური ეთანხმება ბიძინა ივანიშვილის მიერ მოყვანილ სტატისტიკას, ქვეყანაში ინვესტიციების ზრდასთან დაკავშირებით, სადაც ყოფილი პრემიერი აცხადებს, რომ უმნიშვნელოვანეს მიღწევას წარმოადგენს ქვეყნის გადაყვანა ვალების ეკონომიკიდან ინვესტიციების ეკონომიკაზე:

"თქვენ ნახეთ სტატისტიკური ინფორმაციაც, რომელიც ბატონმა ბიძინამ მოიყვანა და ხედავთ, რომ ინვესტიციების რაოდენობა გაზრდილია. თუნდაც ის, რომ აპრილში 3,4 % იყო ეკონომიკური ზრდა, აჩვენებს იმას, რომ საქართველო დგას სწორ გზაზე".

ნოდარ ხადურის თქმით, საქართველოში უმუშევრობის დონემაც იკლო:

"საქართველოში უმუშევრობა რეკორდულად დაბალია, ეს არ არის ცოტა, ბევრია გასაკეთებელი, მაგრამ დღეს გაცილები ნაკლები ადამიანია უმუშევარი".