სანამ ვოლოდიმირ ზელენსკი უკრაინის პრეზიდენტი გახდებოდა, მანამდე ცნობილი კომიკოსი და მსახიობი იყო. საინტერესოა ის ფაქტიც, რომ ერთ-ერთ სერიალში, სახელად ხალხის მსახური, ზელენსკიმ უკრაინის პრეზიდენტის როლი მანამდე ითამაშა, სანამ რეალურად აირჩევდნენ.

Netflix-მა ხალხის მსახურის ჩვენება გადაწყვიტა, რომლითაც ზელენსკი ვარსკვლავი გახდა და მაყურებელმა პრეზიდენტის როლში პირველად ტელეეკრანებზე იხილა.

სერიალი ხალხის მსახური ისტორიის მასწავლებლის ცხოვრების შესახებ მოგვითხრობს, რომელიც მოულოდნელად უკრაინის პრეზიდენტი ხდება და მისი ცხოვრება რადიკალურად იცვლება.

ფოტო: Кварта́л-95

ხალხის მსახური ტელეეკრანებზე 2015 წელს გამოვიდა. საზოგადოების ნაწილი მიიჩნევს, რომ ზელენსკიმ საპრეზიდენტო არჩევნებში, რომელიც 2019 წელს ჩატარდა, სწორედ სერიალის დახმარებით გაიმარჯვა. ასე რომ, პრეზიდენტის როლიდან რეალურ პრეზიდენტობამდე ზელენსკის სულ რაღაც 4 წელი დასჭირდა.

"ითხოვეთ და ის უკან დაბრუნდა", — ვკითხულობთ ნეტფლიქსის ტვიტერზე, რომელმაც მაყურებლებს შეატყობინა, რომ ხალხის მსახურის ჩვენებას იწყებს.