ლატვიის დედაქალაქ რიგაში მიმდინარე რიგით მე-18 ევროპის ჩემპიონატის დასკვნით, მე-11 ტურში, ქართველმა მოჭადრაკემ, ნანა ძაგნიძემ, ფრედ დაასრულა შეხვედრა ნატალია პოგონინასთან და ჩემპიონის ტიტული მოიპოვა.

სპორტის სამინისტროს ინფორმაციით, ნანა ძაგნიძე პირველი ქართველი ქალია, რომელიც ევროპის ჩემპიონი გახდა. აქამდე ქართველებს ამ ჩემპიონატზე მოპოვებული ჰქონდათ 2 ვერცხლი და 3 ბრინჯაოს მედალი.

ევროპის ჩემპიონატების ისტორია 2000 წლიდან იწყება. სხვადასხვა დროს ქართველი ქალი მოჭადრაკეებიდან პრიზიორები იყვნენ:

ვერცხლი

  • სალომე მელია (2013წელი);
  • ნინო ბაციაშვილი (2015 წელი)

ბრინჯაო

  • მაია ჩიბურდანიძე (2000 წელი);
  • ქეთევან არახამია-გრანტი (2001წელი);
  • სალომე მელია (2014წელი)