საერთაშორისო გამჭვირვალობა — საქართველო მმართველი პარტიის დაფინანსების სავარაუდო კორუფციულ შემთხვევაზე საუბრობს და სახელმწიფო აუდიტის სამსახურს ფაქტის შესწავლისკენ მოუწოდებს.

უფრო კონკრეტულად, TI-წერს, რომ თბილისის საკრებულოს ქართული ოცნების 16-მა დეპუტატმა, ერთ დღეს — 2021 წლის 12 ოქტომბერს, იდენტური ოდენობის თანხები — 5 ან 10 ათასი ლარი — შესწირა პარტიას, ჯამში 115 000 ლარი.

ამასთან, ორგანიზაციის თქმით, 13-21 ოქტომბრის შუალედში კი, კიდევ 5-მა დეპუტატმა (ავთანდილ ცინცაძე, ალექსანდრე ხუჯაძე, აკაკი ალადაშვილი, ირაკლი ხელაძე, კონსტანტინე ზარნაძე) ჯამში 65 000 ლარი გადარიცხა ქართული ოცნების ანგარიშზე.

ფოტო: საერთაშორისო გამჭვირვალობა

TI-ის შეფასებით, არჩევნების ტურებს შორის ამ საეჭვო გადარიცხვებისას, შესაძლოა მესამე პირების მეშვეობით უკანონო პოლიტიკურ შემოწირულებას ჰქონდა ადგილი.