უკრაინის პრეზიდენტი ვოლოდიმირ ზელენსკი აცხადებს, რომ მელიტოპოლის მერს აწამებენ, რათა აიძულონ რუსეთის ფედერაციის მხარდამჭერი ვიდეოს ჩაწერა. ზელენსკის თქმით, მათ იციან, რომ ივან ფედოროვი ცოცხალია.

"ვიცით, რომ ცოცხალია. დღეს, მელიტოპოლის ხალხი — 2 000 ადამიანი გამოვიდა ქუჩებში, მიუხედავად იმისა, რომ ქალაქი რუსეთის მიერაა ოკუპირებული, ისინი გამოვიდნენ, რადგან დაინახეს სად დაიწყვანეს რუსმა სამხედროებმა მათი მერი.

ხალხმა იცის ის სად არის. რუსი სამხედროები აწამებენ მას, რადგან ის არ იტყვის, რომ რუსების მიერ მელიტოპოლის აღება უხარია. მათ სურთ ეს ვიდეო", — ამბობს ზელენსკი.

11 მარტს ანტონ გერაშენკომ თქვა, რომ ოკუპანტებმა მელიტოპოლის მერს, ივან ფედოროვს თავზე ტომარა ჩამოაცვეს და გაიტაცეს. მისივე ინფორმაციით, მერმა ოკუპანტებთან თანამშრომლობაზე უარი თქვა.

12 მარტს მოქალაქეები ადმინისტრაციულ შენობასთან მივიდნენ, რომელსაც ახლა ოკუპანტები აკონტროლებენ და მერის გათავისუფლება მოითხოვეს.

მოქმედი მერის გატაცების შემდეგ, რუსებმა მელიტოპოლში ახალი "მერი" დანიშნეს. ამის შესახებ ინფორმაციას უკრაინის სტრატეგიული კომუნიკაციებისა და ინფორმაციის უსაფრთხოების ცენტრი ავრცელებს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში