გაერთიანებული ერების ორგანიზაცია აცხადებს, რომ ჯანდაცვის დაწესებულებები სამიზნე არასდროს არ უნდა იყოს. ისინი მოუწოდებენ, რომ დაუყოვნებლივ შეწყდეს საავადმყოფოებზე, ჯანდაცვის მუშაკებზე, სასწრაფო დახმარების მანქანებზე თავდასხმები.

"არცერთი მათგანი არასდროს, არასდროს არ უნდა იყოს სამიზნე", — განაცხადა გაეროს პრესსპიკერმა.

პრესსპიკერის თქმით, გაერო მარიუპოლში ბავშვთა და სამშობიარო საავადმყოფოებზე მომხდარი თავდასხმის დეტალებს თვალს ადევნებს.

უკრაინის ეროვნული პოლიციის უფროსის პირველი მოადგილის განცხადებით, რუსმა ოკუპანტებმა მარიუპოლის სამშობიარო დაბომბეს. მისი თქმით, დაჭრილი და დაღუპულია რამდენიმე ქალი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში